جاني جواب،،، * * * بقلم الشاعرة المتالقة عبير جلال

• بقلم عبير جلال-27-10
• جاني جواب،،،
• جاني جواب من حبيب عمري،،
• كاتب فيه،بحبك ياعمري،
• مشتاق لك ياحبي 
• مشتاق لدنيتي اللي في عيونك،
• وحشتني ابتسامه شفايفك،
• وضحكتك اللي مالكه روحي وحسي
• وحشني وشك اللي باشوف
• فيه الدنيا وهي بتضحك ليه
• وحشتني كلمه بحبك،
• بصوتك اللي مالك قلبي وروحي
• افتكرتك وانت بتندهي عليه
• بصوتك الحنون اللي بيأثرني
• باحبك ياعمري،ياريت حبي ليك يكفي
• شوقي ولهفة قلبي
• ،ياريت الجواب يكفي
• الكلام الكتير اللي في قلبي
• عاوز افضل اكتب واكتب
• لغايه الوقت مايجري
• والاقي نفسي جنبك
• بارتوي بحبك واشبع من حنانك
• وادفى في حضك،
• كتير ياروحي البرد بيجري
• في جسمي ،
• اقول فين عيون حببتي ادفى فيها
• اه من الشمس بتحرقني وانا ماشي
• اقول فين رموش حببتي تضلل عليه
• كتير الحزن يملكني،افتكر لمسه
• ايدك .هي بتطبطب على كتفي
• ولمستك الرقيقة وهى بتمسع عرقي
• وكلامك الحلو اللي بيداوي جرحي
• اه ياحبيبه قلبي،،،
• كتير بابكي في غربتي
• ويتملكني المي وتنزل
• دموعي تكوي عزمتي
• افتكر ابتسامتك وكلامك الحلو
• اللي بيمسح دمعي ويقوي عزمتي
• ويخليني قوي وقادر على التحدي 
• اشتعل بكل جهدي واهد الصعب
• واتغلب على كل مشاكلي،
• اه ياحببتي،،،
• لوتعرفي الغربه قاسيه قد ايه
• بس اللي مهونها عليه وقوفك جنبي
• وتشجيعك ليه،،
• وكلامك ليه
• خلاص ياحبيبي هانت الايام بتجري
• وانا وانت هتجمع الايام بنا ومع ولادنا،
• امتي الوقت يجري،واتقابل معاك تاني
• ابص في عينك.الحلوة
• واسمعك وانت بتغني
• واشوف الدنيا حوليا 
• بترقص من فرحتي بيك
• اه ياشوق السنين،،
• نفسي اغمض عيني وافتحهم
• الاقي نفسي في حضك متهني
• ناسي الدنيا وهمي،
• وفاكر بس اني مع حبيبه قلبي،
• حبيبه عمري وروحي وقلبي،
• كتبت لك جوابي بكل جوارحي
• بتنده عليك كل دقة في قلبي
• وحشتيني ياروح قلبي
• حببتي،،مش قادر اوصف لك
• مشاعري وقد ايه مشتاق لك
• حبيبك حبيب عمرك. 
• اللي مالكه روحه بقلبك
• بقلم عبير جلال10-27