ما بلاش عتاب * * * بقلم الشاعر المتالق صبري رسلان

ما بلاش عتاب
..................
ما بلاش عتاب 
خليني أرحل
من سكات
ولا حتى إيدي
بالسلام
في أيدك  تبات
ياما  قلبي
دق  بالغرام
جواك  ساعات
عايش لهمسك
ضحكتك
وحروف لغاك
تيجي النهارده
تنسى شوقه ولهفته
تقول ما جاك
راسم في قلبك
ورده  دبليت ضيها
في  برود  لقاك
ولا انت فاكر لمس
أيد  هتصحي
فيا إحساسي 
اللي  مات
حتى العيون
بان فيها صوره
حد تاني كان 
أناني في نسميته
إحساسه تاه
أسأل  في حالي
أييه جرالي
والشوق ليه ماجاه 
ده انا كل
يوم بزرع هنا
وحنان  مناه
والبس في توب
ضي القمر
وأغزل  نداه 
وافرش عطوري
ونسمتي حب لقاه
ما عدش فيه جوايا
ليل ما سهرتهوش 
ولا لحن شوق
سعد  وغرام
ما  عزفتهوش
تيجي النهارده
تقول لقلبي جواك
فيه  دق ما
بسمعوش
خليني أرحل من 
سكات ما تعذبوش
انسى اللي فات
وانسى الوشوش
يمكن يلاقي قلبي
ناس تحس همسه
ودقته ولا تنسهوش
بقلم ..  صبري رسلان